අනුරාධපුර ඉපලෝගම ප්‍රාදේශීය ලේකම් කොට්ඨාසයේ රණජයපුර රණවිරු ගම්මානයට යාබද ඉහළ කාගම ග්‍රායේ රජයේ ඉඩම් අක්කර 20කට වැඩි ප්‍රමාණයක් ඉපලෝගම ප්‍රාදේශීය සභාවේ ආණ්ඩු පක්ෂ මන්ත්‍රීවරයකු තම හිතවතුන්ට අනවසරයෙන් බෙදාදීමට කටයුතු කරමින් සිටින බවට ගම්වාසීන් චෝදනා කරනවා.
අදාළ මන්ත්‍රීවරයා එම රජයේ ඉඩමට පසුගිය 7 වනදා ඩෝසරයක් ඇතුළු කර එහි ඇතුළත ඉඩම් කට්ටි කිරීම සඳහා මාර්ග කිහිපයක්ද සකස් කර ඇතැයි ගම්වාසීන් පෙන්වා දෙනවා.
මේ අතර පසුගිය 8 වනදා අදාළ මන්ත්‍රීවරයා තමන්ට හිතවත් ගම්වාසීන් කිහිපදෙනෙකු කැඳවා ඉඩම් බෙදාදීම එක් එක් අයට කට්ටි වෙන් වෙන් වශයෙන් පෙන්වා දී ඒවා අත්පත් කරගෙන ශුද්ධ කර ගන්නා ලෙසට දන්වා ඇති අතර එම ස්ථානයට ඉපලෝගම පොලිස් ස්ථානයේ නිලධාරීන් පැමිණීමත් සමගින් අදාළ කටයුත්ත එම අවස්ථාවේ තාවකාලිකව නැවතී ගිය බවට ගම්වාසීන් පවසනවා.
එම අවස්ථාවේදී අදාළ මන්ත්‍රීවරයා ”ඔන්න මගේ රාජකාරිය ඉවරයි. මම ඉඩම් ටික බෙදලා දුන්නා. දැන් උඹලා ඕවා අල්ලා ගනින්” යැයි පවසා තිබෙනවා.
මේ ඉඩම් මීට පෙර අවස්ථා තුනකදී අත්පත් කර ගැනීමට ඇතැමුන් කටයුතු කළ අවස්ථාවේදී එවකට සිටි ඉපලෝගම ප්‍රාදේශීය ලේකම්වරුන් මැදිහත් වී අදාළ ඉඩම් තහනම් කළ බවත් රජයේ ඉඩම් අවශ්‍යතාවයක් වුවහොත් එම කටයුතු සඳහා පවතින එකම භූමි භාගය මෙය බවත් ගම්වාසීන් පෙන්වා දෙනවා.
අදාළ ප්‍රාදේශීය සභා මන්ත්‍රීවරයා තමාට හිතවත් දේශපාලන හා පවුලේ හිතවතුන් වෙත ඉඩම් මෙලෙස බෙදාදෙනු ලබන්නේ රජයේ අවසරයකින් තොරව බවත් තමන්ගේ බූදලයක් ලෙසින් අදාළ මන්ත්‍රීවරයා අදාළ ඉඩම් තම හිතවතුන්ට බෙදාදීමට උත්සාහ කළද ඒවා ගම්මානයේ ඉඩම් නැති අසරණ පවුල් වෙනුවෙන් නිසි ක්‍රමවේදයකට බෙදාදෙන ලෙසත් ගම්වාසීන් ඉල්ලා සිටිනවා.
මේ සම්බන්ධයෙන් ඉපලෝගම පොලිසියෙන් කළ විමසීමකදී එහි ස්ථානාධිපතිවරයා කියා සිටියේ අදාළ ඉඩම් ගැටලුම සම්බන්ධයෙන් පැමිණිල්ලක් නොලැබුණත් ලැබුණු තොරතුරක් මත අදාළ ස්ථානයට නිලධාරීන් යවා පරීක්ෂා කළ බවයි. පැමිණිල්ලක් ලැබුණහොත් දීර්ඝ වශයෙන් පරීක්ෂණය්ක සිදු කරන බවද ඔහු කියා සිටියා.
මේ සම්බන්ධයෙන් ඉපලෝගම ප්‍රාදේශීය ලේකම් සුසිල් නිශාන්ත රාජකරුණා මහතාගෙන් කළ විමසීමකදී ඔහු මෙලෙස අදහස් දැක්වූවා.
”ඉහළ කාගම ප්‍රදේශයේ රජයේ ඉඩමක් අනවසරයෙන් බෙදාදීමේ උත්සාහයක් අරන් තියෙනවා. මාව ඒ සම්බන්ධයෙන් ග්‍රාම නිලධාරිවරිය දැනුවත් කළා. ඒ අවස්ථාවේම ඒ උත්සාහය නතර කර දැමුවා. ගම්මානීන්ට ඉඩම් බෙදාදීමට අවශ්‍ය නම් නීත්‍යානුකූලව ඉඩම් කච්චේරියක් පවත්වා එය සිදු කළ යුතුයි. මේ ආකාරයෙන් අනවසරයෙන් ඉඩම් බෙදාදීම සිදු කළ නොහැකියි. මේ සම්බන්ධයෙන් පොලිසියත් දැනුවත් කරලා මේ වන විට ඉඩම් බෙදාදීම අත්හිටුවා තිබෙනවා.”යාපනය කණ්ඩායමට තවත් විදේස් ක්‍රීඩකයන් සිව්දෙනෙක්
Discussion about this post