ඔක්ස්ෆර්ඩ් ඇස්ට්‍රා සෙනෙකා ලොවටම නිර්දේශ වෙයි

බ්‍රිතාන්‍යයේ ඔක්ස්ෆර්ඩ් ඇස්ට්‍රාසෙනෙකා එන්නත, නව කොරෝනා වෛරස් ප්‍රභේදය පවතින රටවල් ඇතුළු සියලු රටවල් සඳහා ලෝක සෞඛ්‍ය සංවිධානය විසින් අනුමත කර තිබෙනවා.

ලෝක සෞඛ්‍ය සංවිධානය නිවේදනය කළේ අවුරුදු 65 ට වැඩි පුද්ගලයින් සඳහා ද එන්නත නිර්දේශ කරන බවයි.

එන්නතේ පූර්ණ ශක්‍යතාව ලබාගැනීම සඳහා සති අටේ සිට දොලහ දක්වා කාලයක් තුළ එහි දෙවන මාත්‍රාව ලබාදිය යුතු බව ද ලෝක සෞඛ්‍ය සංවිධානය උපදෙස් ලබා දී තිබෙනවා.

එමෙන්ම ලෝක සෞඛ්‍ය සංවිධානය අවධාරණය කළේ අනෙකුත් කොරෝනා එන්නත් හා සැසඳීමේදී මිලෙන් අඩු මෙන්ම ගබඩා කිරීම සහ ප්‍රවාහනය ගැටළුවක් නොවන ඔක්ස්ෆර්ඩ් – ඇස්ට්‍රාසෙනෙකා එන්නත කොරෝනා වෛරස් ගෝලීය එන්නත ලෙස හැඳින්විය හැකි බවයි.