ඉන්දුනීසියාවේ බෝයිං 737 වර්ගයේ යානය අතුරුදන්

ඉන්දුනීසියාවේ ජකර්තා ගුවන්තොටුපලින් පිටත්වූ ගුවන්යානයක් අතුරුදන්වී තිබෙනවා.

විදෙස් මාධ්‍ය වාර්තා කළේ එම යානය පිටත්වී විනාඩි 4ක පමණ කාලයක් තුල සබඳතා බිඳ වැටී ඇති බවයි.

එරට බලධාරීන් සඳහන් කළේ බෝයිං 737 වර්ගයේ මෙම යානය අතුරුදන්වන විට අඩි දස දහසක් පමණ ඉහළ අහසේ පියාසර කරමින් තිබුණ අතර හදිසියේ ගුවන් දර්ශන පථයෙන් ඉවත්වන විට එහි මගීන් 56 දෙනෙකු සිට ඇති බවයි.

ලදරුවන් 03 දෙනෙකු, ළමයින් 07 දෙනෙකු සහ වැඩිහිටි පුද්ගලයන් 46 දෙනෙකු සිට තිබෙනවා.

මෙම යානය අතුරුදන් වන විට එය ඉන්දුනීසියාවේ ජකර්තා නුවර සිට බොනෙයෝ දූපත් වෙත පියාසර කරමින් තිබී ඇතැයි සඳහන්.

එරට ප්‍රවාහන අමාත්‍යාංශය සඳහන් කළේ සෝදිසි කිරීම් සහ මුදා ගැනීමේ මෙහෙයුම් මේ වනවිටත් ආරම්භ කර ඇති බවයි.

එම යානය රේඩාර් පද්ධතියෙන් ඉවත්වී ඇත්තේ ජකර්තා නුවරට උතුරු ප්‍රදේශයේ ගුවනේදීයි.

වසර 27ක් පැරණි මෙම ගුවන් යානය ශ්‍රීවිජය එයාර් ගුවන් සමාගමට අයත් එකක් බවටයි අනාවරණ වී ඇති අතර සිද්ධියට අදාළව කරුණු එක්රැස් කරමින් පවතින බැවින් යානය අතුරුදන්වීම පිළිබඳ මෙතෙක් නිල ප්‍රකාශයක් සිදුකළ නොහැකි බව ඔවුන් ප්‍රකාශකර ඇතැයි සඳහන්.

මෙය 2021 වසරේදී ගුවන්යානයක් සම්බන්ධයෙන් වාර්තාවූ පළමු සිදුවීම වීම ද විශේෂත්වයක්.