අවුන් සාන් සුකීට එරෙහිව දෙවන වරටත් අපරාධ චෝදනා ගොනුකරයි

අවුන් සාන් සුකීට එරෙහිව මියන්මාර පොලීසිය දෙවන වරටත් අපරාධ චෝදනා ගොනුකර තිබෙනවා.

ඒ සුකී සිරගත කිරීමට එරෙහිව රට තුළ දැවැන්ත විරෝධතා පැවැත්වෙන පසුබිමක වීමද විශේෂත්වයක්.

කුමන්ත්‍රණයකින් මියන්මාරයේ බලය අත්පත් කරගත් හමුදා පාලකයන්, එරට නායිකා අවුන් සාන් සුකී රඳවා තබා සිටී.

ඒ අතරතුර නීතිවිරෝධී අයුරින් වෝකි ටෝකි යන්ත්‍ර ආනයනය කිරීමේ සිදුවීමක් සම්බන්ධයෙන් අවුන් සාන් සුකීට එරෙහිව චෝදනා ගොනු කරනු ලැබීය.

ඒ අතර ජාතික ආපදා නීතය කඩකළ බව පවසමින් දෙවන වරටත් සුකීට එරෙහිව එරට පොලීසිය චෝදනා ගොනුකර තිබෙනවා.

මේ අතරතුර විදෙස් වාර්තා සඳහන් කළේ අවුන් සාන් සුකී වීඩියෝ තාක්ෂණය ඔස්සේ අධිකරණයේ පෙනීසිට ඇති බවය.

කෙසේවෙතත් ඉදිරියේදී මැතිවරණයක් පවත්වා ඉන් ජයගන්නා පාර්ශ්වයට රටේ බලය ලබාදෙන බවට හමුදා පාලකයන් සහතිකයක් ලබා දී තිබෙනවා.