අවුන්සාන් සූකීගේ ලීගයේ මුලස්ථානය විනාශ කෙරේ

මියන්මාර නායිකා අවුන්සාන් සූකීගේ ප්‍රජාතන්ත්‍රවාදය සඳහා වන ජාතික ලීගයේ මුලස්ථානය එරට හමුදාව විසින් විනාශයට පත්කර ඇති බව එම පක්ෂය නිවේදනය කර තිබෙනවා.

එරට හමුදාව විසින් ඊයේ (09) රාත්‍රියේ මුලස්ථානයට බලහත්කාරයෙන් ඇතුළුවී විනාශයට පත්කර ඇති බව ප්‍රජාත්‍යන්ත්‍රවාදය සඳහා වූ ජාතික ලීගයේ සිය ෆේස්බුක් ගිණුමේ සටහනක් තබමින් ප්‍රකාශ කර ඇත.

දැනට පවතින මියන්මාර හමුදා පාලනයට විරෝධය පළ කරමින් රට පුරා විරෝධතා පැවැත්වෙන අතරතුරදී එය සිදුව ඇත.

මේ අතර අවුන් සාන් සුකී ඇතුළු දේශපාලන නායකයින් සියලුදෙනා නිදහස් කරන ලෙස ඉල්ලා තවදුරටත් විරෝධතා පවත්වනවා.

කෙසේ වෙතත් එරට හමුදා පාලනය විසින් අත්අඩංගුවටගත් අවුන් සාන් සුකී ඇතුළු පිරිස සඟවාගෙන සිටින ස්ථානය සම්බන්ධයෙන් ද මෙතෙක් සඳහනක් කර නැහැ.