අන්තර් ජාලය හරහා ළමා අපචාර සිදුකිරීම සම්බන්ධයෙන් අපරාධ පරීක්ෂණ දෙපාර්තමේන්තුවේ පරිඝණක අපරාධ විමර්ශන අංශය මඟින් සැකකරුවෙකු අත්අඩංගුවට ගෙන තිබේ. 

21 හැවිරිදි සැකකරු පරිඝණක ක්ෂේත්‍රයට සම්බන්ධ රැකියාවක නියුතු අයෙකු බව පොලිසියි පැවසුවේය. 

සැකකරු වසර 03කට අධික කාලයක සිට අන්තර් ජාලය හරහා කොළඹ හා අවට ජනප්‍රිය පාසල්වල පිරිමි ළමුන් රවටා, ඔවුන් බියට පත් කර තර්ජනය කර, නිරුවත් ඡායාරූප සහ විඩියෝ දර්ශන ලබාගෙන ඇති බව විමර්ශනවලදී අනාවරණය වී ඇත. 

සැකකරු ඒ සඳහා වට්ස්ඇප්, ඉන්ස්ටර්ග්‍රෑම්,ෆේස්බුක් සහ ස්නැප්චැට් යන ගිණුම් හරහා ළමුන් සම්බන්ධ කර ගෙන ඇති බව පොලිසිය සඳහන් කළේය. 

එබැවින් එවැනි සමාජ ජාල ගිණුම් හරහා සිදුකරනු ලබන ඉල්ලීම් සඳහා ප්‍රතිචාර නොදක්වන ලෙස පොලිසිය සියලු දෙනාගෙන් ඉල්ලා සිටියි. 

එමෙන්ම තම ජාතික හැඳුනුම්පත් භාවිත කර වෙනත් පුද්ගලයින්ට දුරකථන සිම්පත් ලබා දීම, තමාගේ සමාජ ජල ගිණුම්වල මුරපද පිටස්තරයින්ට ලබාදීම සිදුනොකළ යුතු බවද පොලිසිය දැනුම් දෙයි. 

දරුවන්ගේ ක්‍රියාකාරකම් සම්බන්ධයෙන් දෙමව්පියන් නිරන්තරයෙන් අවදානයෙන් පසුවිය යුතු බවද නිවේදනයක් නිකුත් කරමින් පොලිස් මූලස්ථානය අවධාරණය කරයි. 

මෙන්න බලන්න තවත් පුවත්