හෙරොයින් ග්‍රෑම් දෙකට අඩු සහ ගංජා කිලෝග්‍රෑම් 05 ට අඩු චෝදනා එල්ලවී සිටින රිමාන්ඩ් රැඳවියන් 6,334 දෙනෙකුගේ නීති කටයුතු කඩිනම් කිරීමට තීරණය කර තිබෙනවා.
ඒ සම්බන්ධයෙන් සාකච්ඡා කිරීමට විෂයභාර රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ හෙට (23) අධිකරණ අමාත්‍ය ජනාධිපති නීතීඥ අලි සබ්රි හමුවීමටද නියමිතයි.
බන්ධනාගාර ගතව සිටින පිරිසෙන් සියයට 73 ක්ම රිමාන්ඩ් බන්ධනාගාර ගතව පසුවන්නන් වන අතර, එය බන්ධනාගාර තුළ පවතින අධික තදබදයට ප්‍රධාන හේතුවක් වී ඇති බව බන්ධනාගාර ප්‍රතිසංස්කරණ හා සිරකරුවන් පුනරුත්ථාපන රාජ්‍ය අමාත්‍යාංශය ප්‍රකාශ කළා.
Discussion about this post