මෙරට තුර්කි නව තානාපතිනි ඩෙමෙට් සෙකර්සියෝග්ලු අග්‍රාමාත්‍ය මහින්ද රාජපක්ෂ මහතා හමුවී තිබේ.

අග්‍රාමාත්‍ය  මාධ්‍ය අංශය සඳහන් කළේ අරලියගහ මන්දිරයේ දී මෙම හමුව සිදුව ඇති බවයි.

ආර්ථික, සංස්කෘතික, අධ්යායපනය යන ක්ෂේත්‍ර සම්බන්ධයෙන් දෙරට අතර පවතින ද්වීපාර්ශවික සබඳතා තවදුරටත් ශක්තිමත් කර ගැනීම පිළිබද මෙහි දී සාකච්ඡා වී තිබේ.

නිදහසෙන් පසු ශ්‍රී ලංකාව සහ තුර්කිය විධිමත් රාජතාන්ත්‍රික සබඳතා පවත්වාගෙන ගොස් ඇති අතර 2008 වසරේදී මහින්ද රාජපක්ෂ මහතා ජනාධිපතිවරයාව සිටියදී තුර්කි රාජයේ සංචාරයක නිරත වු අතර එය මෙරට ජනාධිපතිවරයෙකු තුර්කියේ සංචාරය කළ පළමු අවස්ථාව ලෙස සැලකෙයි.

ශ්‍රී ලංකාවේ සංචාරක ක්ෂේත්‍ර වැඩිදියුණු කිරීමට සහයෝගය ලබාදෙන ලෙස මෙහිදි අග්‍රාමාත්‍යවරයා තානාපතිවරියගෙන් ඉල්ලීමක් කර තිබේ.

තුර්කි ගුවන් සේවය දිනපතා ශ්‍රී ලංකාවට පියාසර කිරීමත් සමඟ තුර්කියේ පමණක් නොව ලෝකයේ වෙනත් රටවලින් ද සංචාරකයින් ආකර්ෂනය කරගැනීමට අවස්ථාවක් ලැබෙන බව අග්‍රාමාත්‍යවරය ප්‍රකාශ කර ඇත.

තුර්කි ජනාධිපති රිසෙප්ට් ටයිප් අර්ඩෝෂාන් නැවත ශ්‍රී ලංකාවට පැමිණීමට උණන්දුවක් දක්වන බව මෙහි දී තුර්කි තානාපතිවරිය විසින් අග්‍රාමාත්‍යවරයා දැනුවත් කර තිබේ.

සුනාමියෙන් අනතුරුව 2005 වසරේ දී තුර්කි ජනාධිපතිවරයා මෙරට සංචාරයක නිරත වූ අතර එහිදී ශ්‍රී ලංකාවේ දකුණු පළාතේ නිවාස 450කින් සමන්විත ගමක් ඉදිකිරීමට දායකත්වය ද ලබාදෙනු ලැබීය.

මෙන්න බලන්න තවත් පුවත්